اعىمداعى جىلدىڭ ماۋسىم ايىنان باستاپ قازان ايىنا دەيىن رەزەرۆكە ىرىكتەۋ جۇرگىزىلدى. قۇجاتتاردى قابىلداۋ كەزەڭىندە جوبانىڭ رەسمي سايتىندا 31 859 ادام تىركەلدى, بۇل ەلىمىزدىڭ جاس ماماندارى تاراپىنان جوباعا دەگەن جوعارى قىزىعۋشىلىقتى كورسەتەدى.
ءتورتىنشى ىرىكتەۋدىڭ باستى جاڭاشىلدىعى – مەملەكەتتىك اپپارات ءۇشىن اسا سۇرانىسقا يە سالالىق باعىتتار بويىنشا رەزەرۆتى قالىپتاستىرۋ بولدى. كانديداتتار بەلگىلەنگەن كۆوتالارعا سايكەس قابىلداندى:
- «ينفراقۇرىلىمدى, ونەركاسىپتى دامىتۋ جانە ساۋدا ساياساتى» باعىتى بويىنشا – 8 ادام;
- «اگروونەركاسىپتىك كەشەن جانە قورشاعان ورتانى قورعاۋ» باعىتى بويىنشا – 9 ادام;
- «سىرتقى ساياسات جانە ينۆەستيتسيالار» باعىتى بويىنشا –
8 ادام; - «ەكونوميكالىق جانە قارجىلىق ساياسات» باعىتى بويىنشا –
7 ادام; - «تسيفرلاندىرۋ» باعىتى بويىنشا – 9 ادام;
- «الەۋمەتتىك ساياسات جانە ازاماتتىق قوعام» باعىتى بويىنشا – 9 ادام.
جاڭادان قابىلدانعان رەزەرۆشىلەردىڭ تولىق ءتىزىمى pkrezerv.gov.kz جوبانىڭ رەسمي سايتىندا جاريالاندى.
رەزەرۆكە الىنعان ساتتەن باستاپ ءۇش جىل ىشىندە رەزەرۆشىلەر ساياسي مەملەكەتتىك لاۋازىمدارعا, «ا» كورپۋسىنىڭ اكىمشىلىك مەملەكەتتىك لاۋازىمدارىنا, سونداي-اق «ب» كورپۋسىنىڭ باسشىلىق لاۋازىمدارىنا تاعايىندالۋى مۇمكىن.
